'இந்தியா தனது ஏழு லட்சம் கிராமங்களில் வாழ்கிறது'
- மகாத்மா காந்தி
அன்புள்ள அனைவருக்கும்,
இந்தியாவின் தமிழ்நாட்டில் உள்ள சிதம்பரத்தில் இருந்து வாழ்த்துக்கள். உத்தர்காஷியில் உள்ள நேதாலாவில் ஆசிரியர்கள் பயிற்சி பாடநெறியில் (Teachers' Training Course - TTC) கற்பித்தபின் நான் திரும்பி வந்தேன். நான் பகிர்ந்து கொள்ளப் போவது ஒரு அர்த்தமுள்ள விடுமுறையை பற்றி. இதை எனக்கு நானே அளித்த உண்மையிலேயே மனதைத் தொடுகின்ற அனுபவமாக நான் கருதுகிறேன். உத்தரகண்டிலிருந்து திரும்பி வந்துள்ள என்னிடம், நீங்கள் சார்தாம் யாத்திரை கதைகள், அல்லது ஒரு இமயமலை சாதுவின் அற்புதங்கள் அல்லது கங்கையைப் பார்த்த ஒரு மாய அனுபவத்தை எதிர்பார்க்கிறீர்கள் என்றால் .... மன்னிக்கவும் இது அப்படி ஒன்றும் இல்லை. இது ஒரு அழகிய கிராமமான சியால்னாவில், 3 நாட்கள் தங்க எனக்கு கிடைத்த வாய்ப்பை பற்றியது.
இந்த 2019 ஆம் ஆண்டில் சுயநல மனிதர்களாலும் வணிக நவீனத்துவத்தாலும் இன்னும் தீண்டப்படாத பகுதிகள் உள்ளன என்பது மகிழ்ச்சியளிக்கிறது. பண்டைய கல்-மர குடிசைகள், சுத்தமான நீர், புதிய காற்று, இமயமலை கம்பீரம் மற்றும் அன்பாக வரவேற்கும் புன்னகைகள், ஆகியவற்றைக் கொண்டிருக்கும் ஒரு கன்னி சியால்னா. சொர்க்கம் இருக்கிறது ... பூமியிலேயே. நான் இந்த கிராம மக்கள் வாழ்க்கையை பார்த்து வாய் அடத்துப்போனேன். மிக மிக கடின உழைப்பு. எந்தவொரு புலம்பலும் இல்லாமல், அதிக வயதான பெண்கள் மற்றும் ஆண்கள் கூட விடியற்காலை முதல் சாயங்காலம் வரை முதுகெலும்பு உடையும் அளவு வேலை செய்து, அமைதியாக வாழ்கின்றனர். அவர்களின் வீட்டு படிக்கட்டுகள் கைப்பிடிகள் இல்லாமல் குறுகியவை. ஆயினும்கூட அவர்கள் பல முறை மேலேயும் கீழேயும் நடப்பார்கள். அவர்களின் அறைகளில் பெரும்பாலானவற்றில் மிகக்குறைவாக வெளிச்சம் இருக்கும். ஆயினும்கூட அவர்கள் எதைத் தேடுகிறார்களோ அதை அவர்கள் சிரமமின்றி கண்டுபிடிப்பார்கள். விளக்குமாறு அளவு அவர்களுக்கு பொருத்தம்-ஓ-பொருத்தம், அவர்களின் முதுகெலும்பு அரோக்கியத்திற்கு ஒரு சான்று. எந்த கிராமவாசிக்கும் தொந்தி இல்லை. உடல் கொழுப்பு சத்து இல்லை. இந்த நபர்கள் சாதாரணமாக தங்கள் முதுகில் சுமக்கக்கூடியவற்றை எடை பயிற்சியாளர்கள்கூட கையாள மாட்டார்கள். விளையாட்டு வீரர்கள் இவர்களின் நடைபயண வேகத்தை சமாளிக்க மாட்டார்கள்.
அங்கிருந்த குழந்தைகள் அழகானவர்கள், ஆர்வமுள்ளவர்கள். ஜாக்கிரதை! ஒரு எளிய வணக்கம் சொல்ல அவர்கள் உங்கள் கால்களைத் தொடுவார்கள்.
மற்றும் இளைஞர்கள்?!? அவர்களில் பெரும்பாலோர் தங்கள் குடும்பங்களை ஆதரிப்பதற்காக வேறு இடங்களில் வேலை செய்வதால் அவர்கள் அதிகம் காணப்படவில்லை.
விவசாயம் இங்கு இதய துடிப்பு. ஒரு கோயில் என்று நான் முதலில் தவறாகக் கருதிய அவர்களின் தானியக் கூடம், கைவினைக் கட்டமைப்பு நிறைந்திருந்தது! வயல்வெளி மற்றும் வேளாண்மை மீதான அவர்கள் பயபக்தியின் அடையாளமாக இது கூறப்படுகிறது.
அவிகளின் உணவு!!! இருண்ட மென்மையான விறகடுப்பில் சுடப்பட்ட கோதுமை சப்பாத்தி, சூட சூட சிவப்பு அரிசி மற்றும் ராஜ்மா குழம்பு ஆகியவற்றை, மகிழ்ச்சியான பசுவின் பாலில் இருந்து தயாரிக்கப்பட்ட நெய்யுடன் பரிமாறினர்.... அனைத்தும் உண்மையிலேயே புதியவை. இந்த பணக்கார பிரானிக் உணவை ருசித்த பிறகு, நகர்ப்புற உணவகங்கள் எந்த அர்த்தமும் அளிக்காது. அவர்களின் உப்பு கூட (படத்தில் அரைத்த தேங்காய் போல் தோன்றும்) மூலிகைகள் மற்றும் மிளகாய்களை உட்செலுத்தி சிறப்பாக தயாரிக்கப்பட்டுகிறது, இதனை நான் 4 தென்னிந்திய சமையலறைகளிலும் பார்த்ததில்லை.
எங்களுக்கு விருந்தளித்த மூத்த தம்பதி ஒரு சூப்பர் ஜோடி! அவர்கள் அமைதியாக ஒருவருக்கொருவர் உதவுகிறார்கள். எங்களுக்கு உணவளித்து, சமையலறையிலிருந்து நாங்கள் சென்ற பிறகு, தம்பதியினர் எப்போதும் ஒன்றாக உட்கார்ந்து சாப்பிடுவார்கள். இயல்பான காதல்!
அவர்களின் வீட்டில் விருந்தினராக இருக்கவும், அவர்களின் கலாச்சாரத்தை உன்னிப்பாகக் கவனிக்கவும், கல் சுவர் படுக்கையறையில் தூங்கவும், அவர்களின் கோப் சமையலறையில் சாப்பிடவும், குடும்பத்தைப் போலவே நடத்தப்பட்டதயும் ஒரு பாக்கியமாக நான் கருதுகிறேன். நிதி மற்றும் வசதி பற்றாக்குறை காரணமாக கைவிடப்படுவதற்கு முன்னர், சியால்னாவிற்கு நம்பிக்கையையும் வாழ்க்கையையும் திரும்பக் கொண்டுவர சாஹில் மேற்கொண்ட உன்னத முயற்சி பாராட்டிற்குரியது, இந்த வாய்ப்பை என்க்கு அளித்ததற்கு நான் கடமைப்பட்டிருக்கிறேன்.
இயக்குனர் கே.பாலசந்தரின் திரைப்படம் ‘உன்னல் முதியம் தம்பி,’ சமூக ஆர்வலர் எம்.எஸ்.உதயமூர்த்தியின் ஒரு படைப்பில் இருந்து ஈர்க்கப்பட்ட தலைப்பு, ஒரு சிறிய கிராமத்தில் புரட்சிகர மாற்றங்களைக் கொண்டுவரும் ஒரு இளைஞனின் கதையை உள்ளடக்கியது, நடிகர் கமல்ஹாசன் வழங்கிய பாத்திரம். பள்ளி நாட்களில் நான் நீண்ட காலத்திற்கு முன்பு பார்த்த இந்த திரைப்படத்தை நினைவு கூர்ந்தேன். சாஹிலின் நோக்கம் இந்த படத்தின் கதை பானியில் உள்ள வட இந்திய பதிப்பாக கருதுகிறேன். சாஹிலின் கவனத்தைப் பெற்றதற்காக சியால்னா கிராமம் கொடுத்துவைத்துள்ளதாக நான் நம்புகிறேன்.
வாழ்க்கையும் நேரமும் அனுமதித்தால், வெறும் 2 S:
சாஹிலைத் தொடர்பு கொள்ளுங்கள். சியால்னாவிற்கு செல்லுங்கள்.
Comentarios